மதுராந்தகம், தாராபுரம் தொகுதி இடைத்தேர்தல்: த.வெ.க-வை எதிர்க்க தி.மு.க களம் இறங்குகிறதா?

த.வெ.க-விற்கு முதல் அக்னிப்பரிட்சை:

தமிழகத்தில் த.வெ.க (தமிழக வெற்றிக் கழகம்) ஆட்சி அமைந்த சில மாதங்களிலேயே இந்த இடைத்தேர்தல் குறுக்கிட்டுள்ளது. இதனால், த.வெ.க அரசு எடுத்து வரும் கொள்கை முடிவுகளையும், அதன் செயல்பாடுகளையும் மக்கள் எவ்வாறு ஏற்றுக்கொண்டுள்ளனர் என்பதை நிரூபிக்கும் ஒரு முக்கிய களமாக இந்த இடைத்தேர்தல் பார்க்கப்படுகிறது.

ஆட்சியைத் தக்கவைப்பதுடன் மக்களின் முழு ஆதரவையும் வெளிப்படுத்த வேண்டிய கட்டாயத்தில் த.வெ.க உள்ளது. இதன் காரணமாக, இடைத்தேர்தல் நடைபெற உள்ள இரண்டு தொகுதிகளையும் தங்களது வசமாக்கிக் கொள்ள அக்கட்சியினர் தீவிர களப்பணியாற்ற முழு வீச்சில் தயாராகி வருகின்றனர்.

செல்வாக்கை நிரூபிக்க துடிக்கும் அ.தி.மு.க:

மறுபுறம், இந்த இரண்டு தொகுதிகளிலும் முன்னதாக அ.தி.மு.க சார்பில் போட்டியிட்டு எம்.எல்.ஏ-க்களாக தேர்வானவர்கள் தங்களது பதவியை ராஜினாமா செய்துள்ளனர். சட்டமன்ற உறுப்பினர்களின் ராஜினாமாவால் மட்டுமே இங்கு இடைத்தேர்தல் ஏற்பட்டுள்ளது. எனவே, தங்களின் கோட்டையாக கருதப்படும் இந்தத் தொகுதிகளில் தங்களது தனிப்பட்ட செல்வாக்கையும், கட்சியின் பலத்தையும் எக்காரணம் கொண்டும் இழந்துவிடக் கூடாது என்பதில் அ.தி.மு.க தலைமை மிகவும் உறுதியாக உள்ளது.

தி.மு.க-வின் வியூகம் மற்றும் ஸ்டாலின் ஆலோசனை:

தமிழக சட்டமன்றத்தில் முக்கிய எதிர்க்கட்சியாக விளங்கும் தி.மு.க, இந்த இடைத்தேர்தலில் போட்டியிடுவதா அல்லது தேர்தலைப் புறக்கணிப்பதா என்பது குறித்து இன்னும் இறுதி முடிவு எடுக்கவில்லை. இது தொடர்பாக விவாதிக்க தி.மு.க தலைவர் மு.க.ஸ்டாலின் இல்லத்தில் இன்று அவசர ஆலோசனைக் கூட்டம் நடைபெற்று வருகிறது.

கடந்த பொதுத்தேர்தலில் தாராபுரம் தொகுதியில் தி.மு.க இரண்டாம் இடத்தையும், மதுராந்தகம் தொகுதியில் மூன்றாம் இடத்தையும் பிடித்திருந்தது குறிப்பிடத்தக்கது.

தி.மு.க-வின் வியூகம் மற்றும் ஸ்டாலின் ஆலோசனை:

தமிழக சட்டமன்றத்தில் முக்கிய எதிர்க்கட்சியாக விளங்கும் தி.மு.க, இந்த இடைத்தேர்தலில் போட்டியிடுவதா அல்லது தேர்தலைப் புறக்கணிப்பதா என்பது குறித்து இன்னும் இறுதி முடிவு எடுக்கவில்லை. இது தொடர்பாக விவாதிக்க தி.மு.க தலைவர் மு.க.ஸ்டாலின் இல்லத்தில் இன்று அவசர ஆலோசனைக் கூட்டம் நடைபெற்று வருகிறது.

கடந்த பொதுத்தேர்தலில் தாராபுரம் தொகுதியில் தி.மு.க இரண்டாம் இடத்தையும், மதுராந்தகம் தொகுதியில் மூன்றாம் இடத்தையும் பிடித்திருந்தது குறிப்பிடத்தக்கத

வேட்பாளர் பட்டியல் எப்போது?

தேர்தலைப் புறக்கணித்தால் கட்சியின் நிர்வாகிகள் மற்றும் தொண்டர்கள் மத்தியில் தொய்வு ஏற்படும் என்றும், ஆளுங்கட்சியான த.வெ.க-விற்கு இந்தத் தேர்தலில் தகுந்த பாடம் புகட்ட வேண்டும் என்றும் கட்சியின் முக்கிய நிர்வாகிகள் தி.மு.க தலைமைக்கு அழுத்தம் கொடுத்து வருவதாகக் கூறப்படுகிறது.

கட்சி நிர்வாகிகளின் இந்த விருப்பத்தை ஏற்று, இடைத்தேர்தலில் தி.மு.க களம் காண்பது குறித்து சாதகமான முடிவை கட்சித் தலைமை எடுத்துள்ளதாக நம்பத்தகுந்த வட்டாரங்கள் தெரிவிக்கின்றன. இதன் தொடர்ச்சியாக, தி.மு.க-வின் அதிகாரப்பூர்வ வேட்பாளர் பட்டியல் நாளை அல்லது நாளை மறுநாள் வெளியாகும் என எதிர்பார்க்கப்படுகிறது.