பாக்ஸ் ஆபிஸ் சக்கரவர்த்தி ரஜினி: 8 நாட்களில் ரூ.606 கோடி வசூலித்து சரித்திரம் படைத்த ஜெயிலர் 2
நெல்சன் இயக்கத்தில் ரஜினிகாந்த் நடித்த ஜெயிலர் 2 திரைப்படம் வெறும் 8 நாட்களில் உலகளவில் ரூ.606 கோடியை ஈட்டி, முந்தைய வசூல் சாதனைகளை முறியடித்து வரலாறு படைத்துள்ளது குறித்த விரிவான செய்தி தொகுப்பு.
சூப்பர் ஸ்டார் ரஜினிகாந்த் நடிப்பில் நெல்சன் திலீப்குமார் இயக்கத்தில் பெரும் எதிர்பார்ப்புகளுக்கு மத்தியில் வெளியான 'ஜெயிலர் 2' திரைப்படம், பாக்ஸ் ஆபிஸில் வரலாற்றுச் சாதனைகளைப் படைத்து வருகிறது. முதல் பாகத்தின் பிரம்மாண்ட வெற்றியைத் தொடர்ந்து வெளிவந்த இப்படம், திரையரங்குகளில் ரசிகர்கள் மத்தியில் மிகப்பெரிய வரவேற்பைப் பெற்றுள்ளது. சன் பிக்சர்ஸ் தயாரிப்பில் டைகர் முத்துவேல் பாண்டியனாக ரஜினிகாந்த் மீண்டும் மிரட்டியுள்ள இப்படம், வெளியான வெறும் 8 நாட்களில் உலக அளவில் ரூ. 606.05 கோடிக்கும் அதிகமாக வசூல் செய்து, இந்தியத் திரையுலகையே திரும்பிப் பார்க்க வைத்துள்ளது.முதல் வார முடிவில் உலகளவில் இப்படம் மாபெரும் வசூல் செய்திருப்பதை சன் பிக்சர்ஸ் நிறுவனம் ரஜினிகாந்தின் மாஸான போஸ்டருடன் அதிகாரப்பூர்வமாக அறிவித்த நிலையில், அப்படத்தின் இயக்குநர் நெல்சன் அதனைத் தனது இன்ஸ்டாகிராம் பக்கத்தில் பகிர்ந்து மகிழ்ச்சியை வெளிப்படுத்தியிருந்தார்.
சாக்னிக் (Sacnilk) வெளியிட்டுள்ள தகவல்களின்படி, 8ஆவது நாளான வியாழக்கிழமையன்று இந்தியாவில் ரூ. 17.15 கோடியும் உலகளவில் ரூ. 5 கோடியும் வசூலித்துள்ளது. இதன் மூலம் இந்தியாவில் மட்டும் ரூ. 334.35 கோடி வசூலாகியுள்ள நிலையில், மொத்தம் 8 நாட்களில் ரூ. 606 கோடியைக் கடந்து முந்தைய பல முன்னணித் தமிழ் படங்களின் வாழ்நாள் சாதனையை எட்டே நாட்களில் முறியடித்துள்ளது.
குறிப்பாக, அண்டை மாநிலமான கேரளாவில் இதற்கு முன்பு லோகேஷ் கனகராஜ் இயக்கத்தில் விஜய் மற்றும் த்ரிஷா நடிப்பில் வெளியான 'லியோ' திரைப்படம் முதல் நாளில் ரூ. 12 கோடி வசூலித்து மிகப்பெரிய ஓபனிங் சாதனையை வைத்திருந்தது. ஆனால், தற்போது வெளியான 'ஜெயிலர் 2' கேரளாவில் முதல் நாளிலேயே ரூ. 12.50 கோடி வசூலித்து அந்த முந்தைய சாதனையை முறியடித்துள்ளது. இதன் மூலம் ஒட்டுமொத்த ஓபனிங் மகாராஜா சூப்பர் ஸ்டார் தான் என்பதை ரஜினிகாந்த் மீண்டும் ஒருமுறை ஆணித்தரமாக நிரூபித்துள்ளார். ரஜினிகாந்த் - நெல்சன் கூட்டணியில் உருவான இப்படம் தொடர்ந்து பல வசூல் வேட்டைகளை நடத்தி தமிழ் சினிமாவின் புதிய மைல்கல்லாக உருவெடுத்து வருகிறது.
0 Comments
No comments yet. Be the first to comment.