‘சம்மர் ஹாலிடேஸ்’ டிரெய்லர் வெளியீடு – நவம்பர் 6-ல் திரைக்கு வரும் சிறுவயது நினைவுகள்!

சென்னை: கோடை விடுமுறை, பள்ளிப் பருவக் குறும்புகள், நண்பர்களுடனான விளையாட்டுகள் என நம்முடைய சிறுவயது நினைவுகளை மீண்டும் கண்முன் கொண்டுவரும் வகையில் உருவாகியுள்ள ‘சம்மர் ஹாலிடேஸ்’ திரைப்படத்தின் டிரெய்லர் வெளியாகியுள்ளது. இந்தப் படம் வரும் நவம்பர் 6-ம் தேதி திரையரங்குகளில் வெளியாகிறது.

சிறுவயது நினைவுகளுடன் வரும் ‘சம்மர் ஹாலிடேஸ்’

இயக்குநர் ஸ்ரீகர் இயக்கத்தில் உருவாகியுள்ள இந்தப் படத்தை, தயாரிப்பாளர் தீரஜ் மொகிலினேனி தனது தீரஜ் மொகிலினேனி என்டர்டெயின்மென்ட்ஸ் நிறுவனம் சார்பில் தயாரித்துள்ளார்.ஹர்ஷ வர்தன், வாசுகி ஆனந்த், மாஸ்டர் ரோஹன், மாஸ்டர் அருண், பேபி குஷி உள்ளிட்டோர் இப்படத்தில் நடித்துள்ளனர். மேலும், ஜயசுதா, ராஜீவ் கனகாலா, ஹர்ஷினி கோடூரி உள்ளிட்டோரும் முக்கிய கதாபாத்திரங்களில் இடம்பெற்றுள்ளனர்வெளியாகியுள்ள டிரெய்லரில், கிரிக்கெட் மற்றும் விளையாட்டுகளில் அதிக ஆர்வம் கொண்ட ஒரு சிறுவனுக்கும், அவன் படிப்பில் அதிக மதிப்பெண்கள் பெற வேண்டும் என்று எதிர்பார்க்கும் தந்தைக்கும் இடையிலான கருத்து வேறுபாடுகள் காட்டப்படுகின்றன.

சிறுவனின் தந்தையாக ஹர்ஷ வர்தன் நடித்துள்ளார். அதே நேரத்தில், மகனின் கனவுகளையும் விருப்பங்களையும் புரிந்துகொண்டுஅவனுக்கு ஆதரவாக இருக்கும் தாயாக வாசுகி ஆனந்த் நடித்துள்ளார்.இதைத்தொடர்ந்து கதை கிராமத்துக்குச் செல்கிறது. அங்கு மாஸ்டர் ரோஹன் நடித்துள்ள சிறுவன் கே.வி., நண்பர்களுடன் விளையாடுவது, பள்ளிப் பருவக் குறும்புகளில் ஈடுபடுவது எனத் தனது சிறுவயதை மகிழ்ச்சியாகக் கழிக்கிறான். சுமதி என்ற சிறுமி மீதான அவனது ஈர்ப்பும் கதையில் இடம்பெற்றுள்ளது. சுமதி கதாபாத்திரத்தில் பேபி குஷி நடித்துள்ளார்

குழந்தைகளுக்கு மட்டுமல்ல… பெற்றோர்களுக்கும்!

நகைச்சுவை, நட்பு, குடும்ப உணர்வுகள் எனப் பல அம்சங்களைக் கொண்ட இந்தப் படம், குழந்தைகளின் கனவுகளுக்கும் பெற்றோரின் எதிர்பார்ப்புகளுக்கும் இடையிலான வேறுபாடுகளைப் பேசுகிறது.இன்றைய குழந்தைகளின் வாழ்க்கையில் படிப்பு மற்றும் மதிப்பெண்களுக்கு அதிக முக்கியத்துவம் கொடுக்கப்படும் சூழலில், விளையாட்டு, நட்பு, சுதந்திரம் போன்றவற்றுக்கும் இடமளிக்க வேண்டியதன் அவசியத்தை இந்தப் படம் எடுத்துரைக்கும் வகையில் அமைந்துள்ளது.இயற்கை எழில் நிறைந்த கிராமத்துக் காட்சிகளும், சின்ஜித் யெர்ரமில்லியின் இசையும் டிரெய்லருக்கு மேலும் வலுசேர்க்கின்றன.

நவம்பர் 6-ம் தேதி திரையரங்குகளில் வெளியீடு

சிறுவயது நினைவுகளையும் குடும்ப உறவுகளையும் மையமாகக் கொண்ட ‘சம்மர் ஹாலிடேஸ்’ திரைப்படம் வரும் நவம்பர் 6-ம் தேதி திரையரங்குகளில் வெளியாகவுள்ளது.பள்ளிப் பருவத்தில் நண்பர்களுடன் விளையாடிய நாட்கள், கோடை விடுமுறையில் உறவினர்களின் ஊருக்குச் சென்ற அனுபவங்கள் போன்றவற்றை நினைவுபடுத்தும் இந்தப் படம், ரசிகர்களிடம் எந்த அளவுக்கு வரவேற்பைப் பெறும் என்பது வெளியீட்டுக்குப் பிறகு தெரியவரும்.