‘ஜெயிலர் 2’ OTT-யில் 30 நிமிட கூடுதல் காட்சிகளுடன் Uncut Version-ஆக வெளியாகுமா? ரசிகர்களுக்கு காத்திருக்கும் சர்ப்ரைஸ்!

"சூப்பர் ஸ்டார் ரஜினிகாந்த"நடிப்பில் வெளியான ‘ஜெயிலர் 2’ திரைப்படம் தற்போது மீண்டும் ரசிகர்களின் கவனத்தை ஈர்த்துள்ளது. திரையரங்குகளில் வெளியான பதிப்பில் இடம்பெறாத சில முக்கியக் காட்சிகள், OTT வெளியீட்டின்போது கூடுதலாகச் சேர்க்கப்படலாம் என்ற தகவல் வெளியாகியுள்ளது.

நெல்சன் திலீப்குமார் இயக்கத்தில் உருவான இந்தப் படத்தில் ரஜினிகாந்த் முக்கிய கதாபாத்திரத்தில் நடித்துள்ளார். மேலும் மோகன்லால், விஜய் சேதுபதி, ஹிருத்திக் ரோஷன், சந்தானம் உள்ளிட்ட பல முன்னணி நடிகர்கள் நடித்துள்ளனர்.

திரையரங்குகளில் வெளியான பதிப்பில் சில நடிகர்களின் காட்சிகள் குறைக்கப்பட்டதாகவும், சில காட்சிகள் முழுமையாக நீக்கப்பட்டதாகவும் ரசிகர்கள் மத்தியில் ஏற்கனவே விவாதங்கள் எழுந்தன. குறிப்பாக மோகன்லாலின் கதாபாத்திரத்திற்கு குறைவான திரை நேரம் வழங்கப்பட்டதாக அவரது ரசிகர்கள் அதிருப்தி தெரிவித்திருந்தனர்.

OTT பதிப்பில் 30 நிமிட கூடுதல் காட்சிகள்?

தற்போது வெளியாகியுள்ள தகவல்களின்படி, ‘ஜெயிலர் 2’ திரைப்படத்தின் OTT பதிப்பு 'சுமார் 30 நிமிட கூடுதல் காட்சிகளுடன்' வெளியிடப்பட வாய்ப்புள்ளதாகக் கூறப்படுகிறது.

இந்த 'Uncut Version-ல்' மோகன்லால், விஜய் சேதுபதி மற்றும் ஹிருத்திக் ரோஷன் ஆகியோரின் நீக்கப்பட்ட அல்லது குறைக்கப்பட்ட காட்சிகள் மீண்டும் இடம்பெறலாம் என எதிர்பார்க்கப்படுகிறது. மேலும், திரையரங்கப் பதிப்பில் இடம்பெறாத சந்தானத்தின் கதாபாத்திரக் காட்சிகளும் OTT பதிப்பில் சேர்க்கப்படலாம் என்ற தகவல் வெளியாகியுள்ளது.

எந்த OTT தளத்தில் வெளியாகும்?

‘ஜெயிலர் 2’ திரைப்படத்தின் டிஜிட்டல் உரிமையை 'அமேசான் பிரைம் வீடியோ' பெற்றுள்ளதாகத் தகவல்கள் தெரிவிக்கின்றன. மேலும் Sun NXT தளமும் இப்படத்தின் OTT வெளியீடு தொடர்பாகப் பேசப்பட்டு வருகிறது.

நவம்பர் 10ஆம் தேதிக்குப் பிறகு OTT வெளியீடு இருக்கலாம் என்றும், 'நவம்பர் 12ஆம் தேதி அமேசான் பிரைம் வீடியோவில்' வெளியாக வாய்ப்புள்ளதாகவும் தகவல்கள் தெரிவிக்கின்றன. இருப்பினும், அதிகாரப்பூர்வ வெளியீட்டுத் தேதி மற்றும் Uncut Version குறித்த அறிவிப்பு இதுவரை படக்குழுவிடமிருந்து வெளியாகவில்லை.

ரசிகர்கள் மத்தியில் அதிகரிக்கும் எதிர்பார்ப்பு

திரையரங்குகளில் பார்க்க முடியாத கூடுதல் காட்சிகளை OTT-யில் பார்க்கலாம் என்ற தகவல் ரஜினி ரசிகர்களிடையே உற்சாகத்தை ஏற்படுத்தியுள்ளது. குறிப்பாக மோகன்லால், விஜய் சேதுபதி, ஹிருத்திக் ரோஷன் போன்ற முன்னணி நடிகர்களின் கூடுதல் காட்சிகள் இடம்பெறுமா என்ற எதிர்பார்ப்பு அதிகரித்துள்ளது.

'30 நிமிட' கூடுதல் காட்சிகளுடன் Uncut Version வெளியாகும் பட்சத்தில், திரையரங்கப் பதிப்பை விட வித்தியாசமான அனுபவத்தை ரசிகர்கள் பெற வாய்ப்புள்ளது.