பிரபல தமிழறிஞரும் பட்டிமன்ற நடுவருமான சாலமன் பாப்பையா வயது முதிர்வு காரணமாக 90 வயதில் மதுரையில் காலமானார். அவரது மறைவு தமிழ் உலகிலும் பட்டிமன்ற ரசிகர்கள் மத்தியிலும் பெரும் சோகத்தை ஏற்படுத்தியுள்ளது.
பிரபல தமிழறிஞரும் பட்டிமன்ற நடுவருமான பேராசிரியர் சாலமன் பாப்பையா வயது முதிர்வு காரணமாக இன்று காலமானார். அவருக்கு வயது 90. அவரது மறைவு தமிழ் உலகிலும் பட்டிமன்ற ரசிகர்கள் மத்தியிலும் பெரும் சோகத்தை ஏற்படுத்தியுள்ளது.
மதுரையில் குடும்பத்துடன் வசித்து வந்த சாலமன் பாப்பையா, பட்டிமன்ற மேடைகளில் நகைச்சுவை கலந்த பேச்சாலும், ஆழமான கருத்துகளுடனான தீர்ப்புகளாலும் தனக்கென ஒரு ரசிகர் பட்டாளத்தை உருவாக்கியவர். அவரது பேச்சு பாணி பட்டிமன்ற நிகழ்ச்சிகளை அனைத்து தரப்பு மக்களிடமும் கொண்டு சேர்ப்பதில் முக்கிய பங்கு வகித்தது.
தமிழறிஞராகவும் முன்னாள் பேராசிரியராகவும் விளங்கிய அவர், தமிழ் மொழி மற்றும் இலக்கியத்தின் மீது கொண்டிருந்த ஆர்வத்தின் மூலம் பல தலைமுறையினரிடம் தமிழ் மீதான ஈர்ப்பை ஏற்படுத்தினார். இளம் தலைமுறையினரிடம் சமூக சிந்தனை வளர வேண்டும் என்றும், தமிழை எளிய முறையில் இளைஞர்களிடம் கொண்டு செல்ல வேண்டும் என்றும் அவர் தொடர்ந்து வலியுறுத்தி வந்தார்.
பட்டிமன்ற நடுவராக மட்டுமின்றி, தமிழ் இலக்கியம் மற்றும் பண்பாட்டை வளர்க்கும் பல்வேறு நிகழ்ச்சிகளிலும் அவர் தொடர்ந்து பங்கேற்று வந்தார். அவரது பெயரில் பட்டிமன்றக் குழு விருதுகளும் வழங்கப்பட்டு வருவது குறிப்பிடத்தக்கது.
சாலமன் பாப்பையாவின் மறைவுக்கு அரசியல் தலைவர்கள், திரையுலகினர், தமிழ் அறிஞர்கள் மற்றும் ரசிகர்கள் என பல்வேறு தரப்பினரும் இரங்கல் தெரிவித்து வருகின்றனர். அவரது மறைவு தமிழ் பேச்சுலகிற்கும் பட்டிமன்றக் கலையுலகிற்கும் ஈடு செய்ய முடியாத இழப்பாக பார்க்கப்படுகிறது.
0 Comments
No comments yet. Be the first to comment.