சென்னை விமான நிலைய நிர்வாகத்தை மாற்றக் கோரி பிரதமர் மோடிக்கு முதல்வர் விஜய் கடிதம் ..!!
சென்னை விமான நிலையத்தை தற்போது நிர்வகித்து வரும் இந்திய விமான நிலையங்கள் ஆணையத்துக்கு (AAI) பதிலாக வேறு நிறுவனத்திடம் நிர்வாகப் பொறுப்பை ஒப்படைக்கக் கோரி முதல்வர் விஜய், பிரதமர் மோடிக்கு கடிதம் எழுதியுள்ளதாக தகவல் வெளியாகியுள்ளது.
சென்னை,
சென்னை விமான நிலையத்தின் நிர்வாகத்தை மாற்றக் கோரி தமிழ்நாடு முதலமைச்சர் C. Joseph Vijay, பிரதமர் நரேந்திர மோடிக்கு கடிதம் எழுதியுள்ளதாக தகவல் வெளியாகியுள்ளது.
கடந்த ஆகஸ்ட் மாதம் அனுப்பப்பட்டதாகக் கூறப்படும் அந்தக் கடிதத்தில், சென்னை விமான நிலையத்தை தற்போது நிர்வகித்து வரும் இந்திய விமான நிலையங்கள் ஆணையம் (AAI) அல்லாத வேறு நிறுவனத்திடம் விமான நிலைய நிர்வாகத்தை ஒப்படைக்க வேண்டும் என தமிழக அரசு வலியுறுத்தியுள்ளதாக தி இந்து செய்தியை மேற்கோள் காட்டி தகவல்கள் வெளியாகியுள்ளன.
நிர்வாகத்தில் மாற்றம் ஏன்?
தமிழ்நாடு தொழில் மற்றும் முதலீடுகளுக்கு உகந்த மாநிலமாக செயல்பட்டு வருவதால், அதற்கேற்ற வகையில் சென்னை விமான நிலையத்தின் நிர்வாகமும் மேம்படுத்தப்பட வேண்டும் என கடிதத்தில் வலியுறுத்தப்பட்டுள்ளதாக தெரிவிக்கப்பட்டுள்ளது. குறிப்பாக, பயணிகள் எண்ணிக்கை, விமானங்களின் இயக்கம் மற்றும் சரக்கு கையாளுதல் ஆகியவற்றில் சென்னை விமான நிலையத்திற்கு மேலும் மேம்பாடு தேவைப்படுவதாக தமிழக அரசு சுட்டிக்காட்டியுள்ளதாக செய்திகள் தெரிவிக்கின்றன. விமான நிலையத்தின் சில உள்கட்டமைப்பு பணிகள் தாமதமானது, பயணிகளுக்கான வசதிகளில் ஏற்பட்ட சிக்கல்கள் உள்ளிட்ட அம்சங்களும் நிர்வாக மாற்றத்திற்கான காரணங்களாக குறிப்பிடப்பட்டுள்ளன. மேலும், விமான நிலையம் தொடர்பான சில முக்கிய முடிவுகளுக்கு டெல்லியில் உள்ள AAI தலைமையகத்தின் ஒப்புதலைப் பெற வேண்டியிருப்பதால் காலதாமதம் ஏற்படுவதாக தமிழக அரசு தரப்பில் தெரிவிக்கப்பட்டுள்ளதாக தகவல் வெளியாகியுள்ளது.
0 Comments
No comments yet. Be the first to comment.